Ante a crise do sistema financieiro internacional, as autoridades de diferentes países e os organismos internacionais reaccionaron con rapidez e con medidas financeiras inusitadas. Nunca antes, con semellante vigor, se nacionalizara, se intervira, se inxectara liquidez. Os nosos gobernantes son conscientes de que o mundo no que vivimos se move rapidisimamente e que hai que actuar da noite para o día se non nos queremos ver mergullados na histeria e no caos inmediatos. Non obstante, as medidas que se veñen implementaron deica hoxe son eminantemente financeiras e case que todas dirixidas a que o sistema financeiro dispoña de liquidez, o aceite do seu motor. Pero, ¿estamos caendo na trampa da liquidez, un mecanismo nefasto que tan acertadamente describira John Maynard Keynes co gallo da crise de 1929?
A inutilidade do terrorismo de ETA
In democracia on 4 . Decembro . 2008 at 02:27Xusto Beramendi, ao ser interrogado polos xornalistas co gallo do Premio Nacional de Ensaio que recibiu recentemente, sostivo que o nacionalismo vasco era o que máis lonxe estaba de acadar os seus obxectivos. Sostiña Beramendi que o terrorismo de ETA, lonxe de achegar a independencia de Euskadi, facíaa inviable xa que galvanizaba á metade da poboación contra a outra metade e esa fenda sería no futuro imposible de pechar. Cada atentado de ETA, cada acción vil e covarde que acomete a banda terrorista, só afasta máis e máis a convivencia pacífica en Euskadi e a posibilidade de convencer o contrincante político mediante a palabra e acción políticas. Pouco favor lle fai ETA á causa que finxe defender. Porque, en realidade, a causa que defende ETA é outra.
Racista, eu? Que va!! Só son xitanos!
In democracia on 1 . Decembro . 2008 at 22:20España, Galicia, son países sen racismo, onde non existen racistas. Vale, de acordo. Que llo pregunten os xitanos que levan entre nós seis séculos e seguen sendo obxecto de xenreira, odio racial e marxinación. Lonxe de termos atallado o racismo, asistimos a cómo medra imparablemente. Pero, ¿cómo podemos atallalo se nin sequera estamos dispostos a admitir que sexamos racistas?
